حيزية قصيدة الشاعر ابن قيطون

حيزية
قصيدة نظمها الشاعر ابن قيطون لتروي وتخلد قصة حب حقيقية بين حيزية واسعيد
وقد غناها مطربون كبار: -البار عمر - خليفي احمد - رابح درياسة – عبد
الحميد عبابسة..وغيرهم

حيزية :

عزوني يا ملاح في رايس لبــنات * ســــكنت تحت اللحود ناري مقديا
يــاخي انـــا ضريـــــر بيا مـــا بيا * قــلبي سافر مع الضامر حيزيــــه
يا حصراه على قبيل كنا في تاويل * كي نوار العطيل شاو النقضــــــيا
ما شفنا من أدلال كي ظـل الخيال * راحت جدي الغزال بالجهد عليــــا
إذا تمشي أقبــــال تسلب العــقال * أختي بــاى المحال راشق كمـــــيا
طلقت ممشوط طاح بروايح كى فاح * حاجب فوق اللماح نونين بريـــــا
عينك قرد الرصاص حربى فى قرطاس * ســورى قيـاس فى دين حربيا
خدك ورد الصباح و قرنفل وضاح * الدم عليه ساح مثل الضوايــــــــــا
شوف الرقبة خيار من طلعة جمار * جعبة بلار والعواقد ذهبيــــــــــــا
فالتل مصيفين جيـــنا متحـــــدرين * للصحراء قاصدين نا والطوايــــــــا
الأجحاف مغلقـــين و البارود إنــين * الأزرق بي يميل ساحة حيــــــــزيا
ماذا درنا أعراس لزرق فى المرداس * يدرق بي خلاص في روحنيـــــــا
فى بازر حاطين نصّبح فى الزين * واحــــــنا متبسطين فى خير الدنيا
نصبح فى الغزال نصّرش للفـــــال * كالى ساعي المال وكنوز قويــــــا
ما يسواش المال نقحات الخلخال * كى انجبي على لجبال نلقاها هيا
تسحوج فالمروج بخلخيل تســـوج * عقلي منها يروج قلبي وأعضيا
تاقت طول العـــــلام جوهر فالتبسام * تمعني فالــــكلام و تفهم فيـــــــا
بنت حميده اتبان كى ضي الومــــان * نخلة بستان غى وحدها شعويــا
زند عنها الريــح قـــلعها فالــــــميح * ما نحسبها أطيح دايم محضيــــــا
في واد أثل نعيد حاطين سماط فريد * رايسة الغيد ودعتــــــني يا خويـــا
في ذا الليلة وفــات عادت في الممات * كحلا الرمقات ودعت دار الدنيـــا
خطفت عقلي راح مصبوغة الألماح * بنت الناس المـــلاح زادتــني كيـــا
حطوها في لكفان بنت عالي الشان * زادتني حمان نفضت مخ حجايـــــا
حطوها في لنعاش مصبوغة لرماش * راني وليت باص واش إلي بيـــا
في حومتها أخراب كي نجم الكوكاب * زيد أقدح في أسحاب ضيق العشويا
كثرت عني هموم من صافي الخرطوم * ما عادتش أتقوم في دار الدنيـــا
ماتت موت الجهاد مصبوغة الاثماد * قصدوا بيها بلاد خالد مسميـــــــــا
عشَّـات تحت الألحاد موشومة الأعضاد * عــين الشـراد غابت على عينيا
أحفار القبور سايــــــس ريـم الـــقور * لا تطيحشي الصخور على حيزيا
حلّفتك بالكتاب وحروف الوهاب * لا طيح التراب فوق أم مرايــــــــــا
لو تجي للعـناد ننطح ثلث اعقاد * نديها بالزناد عن قوم العد يــــــــــا
واذا نحلف وراس مصبوغة الأنعاس * مانحـسب شي الناس لو تجي ميا
لو انتجي للزحـــــــام نفتن عنها عام * نديها بالدوام نابو سهمـــــــــــــيا
كي عاد أمر الحنين رب العـــــالمين * لا صبتلها من أين نقلبها حيــــــــــا
صبري صبري عليك نصبر أن ناتيك * نتفـــكر فيك يا أختي غير انتيــــــا
عودي في ذا التلول رعى كل خيول * واذا والى الهول شاو المشليـــــــــا
ما يعمل ذا الحصان في حرب الميدان * يخرج شاو القران أمه ركبيــــــا
بعد شهر ما يدوم عندي ذا الملجوم * نهار ثلاثين يوم أوراء حيزيـــــــــا
توفى ذا الجـــــواد ولى فالأوهـــــاد * بعد أختي مازاد يحيا في الدنيـــــــا
صدوا صد الوداع هو وأختي قاع * طاح من يدي صراع لزرق آدايا
رب أجعل الحيـــاة وراهــــــم ممات * منهم روحي فنات الأثنين أرزيا
نبكي بكي الفراق كي بكي العشاق * زادت قلبي حراق خوضت مــــايـــــا
يا عيني واش بيك تنوحي لا تشكيك * زهو الدنيا بديك ما تعفي شي عليا
زادت قلبي عذاب مصبوغة الأهداب * سكنت تحت التراب قرة عينيـــــا
نبكي والراس شاب عن مبروم الناب * فرقة الأحباب ما تصبر عينيـــــا
الشمس إلي ضوات طلعت وأتمسات * سخفت بعد أن ستوات وقت الضحويا
القمر ألي بان شعشع في رمضان * جاه المسيان طـــــلب وداع الدنــــــيا
هذا حكم الإله سيدي مولى الجاه * ربي نزل قضاه وداى حيزيـــــــــــــا
صبرني يا اله قلبي مات ابـــداه * حب الزينه أداه كي صدت هـــــــــــيـا
تسوى ميتين عود من الخيل الجيد * ومية فرس زيد غير الركبيـــــــــــــــا
تسوى من الابيل عشر مايه تمثيل * تسوى غابة النخيل في كل الدنيـــا
تسوى عرب التلول والصحرا والزمول * ما مشات القفول عن كل أثنيـــــــا
تسوى اللي راحلين واللى فالبرين * تسوى اللى حاطين عادوا حضريـــــا
تسوى خيل الشليل و نجمة الليـــل * في أختي قليل قليل طبي ودوايـــا
نستغفـــر للجليل يرحم ذا القليـــل * يغفر للى يعيل سيدي وملايـــــــــا
عــــزوني يا أسلام في ريمة الاريام * سكنت دار الظلام ذيك الباقيـــــــــا
عــزوني يا أصغار في عارم الأوكار* ما خــــلاَّت غير دار قعدت مسميــــا
عزوني يا رجال في صافي الخلخال * داروا عنـــها حيــال لسا مبنيــــــــــا
سعيد في هواك ماعادش يلـــــــقاك * كي يتفكر أسماك تديه أغميــــــــا
اغفر لي يا حنين أنا والاجمعــــين * راه أسعيد حزين به الطوايــــــــــــــــا
أرحم مول الكلام واغفر لأم عــلام * لاقيهم في المنام يا عالي العليـــــــا
يا علام الغيوب صبر ذا المســـلوب * نبكي بكي الغريب ونشف العديـــــــا
ما ناكلش الطعام سامط في الافـوام * واحرم حتى المنام عــلى عنيــــــا
بين موتها والكلام غي ثلاث أيـــام * بقاتني بالسلام وما ولات ليــــــــــــــا
تمت يا سامعين في الألف وميتين * كمَّـل تسعين وزيد خمسا باقيــــــــــا
كلمة ولد الصغير قلنـــــاها تفكيـــر * شهر العيد الكبير فيه الغنــــــايـــــــا
في خالد بن سنان بن قطون أفــلان * قـــال ع اللي زمان شفناها حيــــــــا
قلـــــــــبي ســـــافر مع الضــــامر حــيــزيـــا

بارك الله فيك فاروق
حيزية من اروع القصائد