كلمة حيزية يرتبط إسمها بالحب الفتان اللذي لا يقاوم
كلمة حيزية يرتبط اسمها باجمل قصيدة في الجزائر عبر كل العصور
قصة حيزية هي قصة طويلة تروي قصة حب بين فتاة وشاب يقطن بجوار شاعر كبير اما الشاب المحب المولع بحيزية فهو سعيد واما الشاعر الذي خلد هذه القصة في شعره فهو الشاعر ابن قيطون
ولقد تغنى بالقصيدة عدة مطربين كبار
والقصيدة الفتانة في 9 مقاطع
القصيدة مكتوبة في القرن الماضي مكتوبة باللهجة الجزائرية
المقطع الاول
عزوني يا ملاح في رايس لبنات-*-سكنت تحت اللحود ناري مكدية
قلبي سافر مع ضامر حيزية -*-قلبي سافر مع اللي رحلت من الدنيا
يا حسراه على قبيل كنا في تهويل-*-في نوار الضليل شانها مقضية
شفنا من دلال في ضي الخيال-*-راحت جدي الغزال بالزهد علية
واذا تمشي قبال تسلب بالعقال-*-اختي ضي النجال راشدة النية
جاب عساكرو معاه وجنودو موراه-*-طلبت تلقاه كل واحد بهدية
ناقل(يعني سعيد)يف الهنيد ويشاري من بعيد-*-يقصم طرف القليب واللي سمية
ما قتل من عباد من قوم الحساد-*- يمشي مشي العناد والفنطازية
قوسها تحت الحجاب يضوي كي النشاب-*- ما طيح من رقاب وابطال اقوية
مانيش على الباي جدد يا غناي-*-بنت احمد بن باي شكري واغنايا
قلبي سافر مع ضامر حيزية -*-قلبي سافر مع اللي رحلت من الدنيا
المقطع الثاني2
نوصفها بالكلام ومعاني وانضام-*-ما كتبوها اقلام في ذي القضية
طلقت من شطاح واروايح تنفاح-*- حاجب فوق اللماح كي لون ابرية
عينك قرد الرصاص حربي في قرطاس-*-مسوي كي غصن اللياس بيدين حربية
خدك ورد الصباح وقرنفل وضاح-*-والدم عليه ساح وقت الاضحية
والفم مثل العاج والمضحك لعاج-*-في يدك سيف النعاج عسل الشهاية
شوف الرقبة خير من طلع الجمار-*-شعلت بالنار وعواقب ذهبية
صدرك مثل الرخام فيه اثنين اتوام-*-من تفاه انسام ماء السهيدية(منطفة في الجنوب)
بدنك كي القطيفة من قطن في كتان-*-ولا روح قالو طاحت في ليلة ظلمية
قلبي سافر مع ضامر حيزية -*-قلبي سافر مع اللي رحلت من الدني
المقطع الثالث3
طلقت ذاك الشعر ومال وتخبل تخبال-*-على جوف الدلال دنيا عن دنيا
شوف السيقان بخلاخل يا فطان-*-تسمع جسن القران فوق الريحية ........الريحية جبل في المنطقة
تستحوج بالمروج بخلاخل اتزوج-*-عقلي منها يروج عقلي وعضاية
زينة كل وقت وانصبح بالزين-*-واحنيا مبسوطين في نار الدنيا
كي نصبح بالغزال اتسرج بالفال-*-كاللي يساعي المال وكنوز قوية
من قومها بالمال يقرى في الخيال-*-كي نجمع الخيال باه نوسف حيزية
في التل مسطفين واحنا محذورين-*-للصحراء قاصدين انا والطواية
لجحاف مغلقين والبارود يميل-*-عودي(حصاني)بيا يميل صاح باسم حيزية
قلبي سافر مع ضامر حيزية -*-قلبي سافر مع اللي رحلت من الدنيا
المقطع المقبل فيه موت حيزية
سابو جحاف الدلاد حطو عين غزال-*-سيدي لحسن قبال والزرقة هي
قصدو سيدي السعيد وانمتع ونزيد-*-لمدو فال الجريد ثم عشاية
هنا يعني كانت مرضة المسكينة حيزية في اول ايامها مع زوجها ..اسعيد..وراحو اداوها للوالي الصالح لاكن بدون جدوى
رعاشة و في الصباح كي هزت لرياح-*-سيدي محمد شياح وردو معفية
كانت طول العلام وجوهرة في التبسام++يعني ليلة وفاتها++-*-وتمتع في الكلام وتفهم فيا
هي بنت احمد تبان كي ضي الهلال-*-كي نخلت بستان في جنات مسقية
ازند عنها الريح قلحها بالميح-*-ما نحسبها تطيح ديما محضيه
وثرني المليح دارها في تصريح-*-حركها للمصيح ربي مولايا
ذيك الليلة توفات وعاقدة الممات-*-كحلت الرمقات ودعت الدنيـــــا
قلبي سافر مع ضامر حيزية -*-قلبي سافر مع اللي رحلت من الدنيا
ومزالة القصة طويلة
المقطع الخامس5
فضت خدى حيزية وماتت في حجري-*-ودمعة بصري على خدي مجرية
خطفت عقلي وراحت مسبوغة الالماح-*-بنت الناس الملاح زادتلي كية
داروها في الكفان بنت اعضيم الشان-*-زادتلي حمان من بخل الحجيا
حطوها في النعاش مسبوغة لرماش-*-نرفد عنها الشاش نحسبها حية
حطوها في جحاف وحوموها في بياض-*-زينة الاوصاف حبي طول الدنيا
في حومتها قران كي ضي الكبان-*-انطلقت فوق السحاب في ضيق عشية
حومتها بالحرير وراقدة فوق سرير-*-وانايا كي الغشيم بيا ما بيا
قلبي سافر مع ضامر حيزية -*-قلبي سافر مع اللي رحلت من الدنيا