لماذا نحن الجزائريين

الموضوع راودني كثيرا وقررت أن أطرحه للنقاش نحن كجزائريين عندما نتكلم مع إخواننا المغاربة أو التوانسة أو اي دولة عربية شقيقة نحاول دائما إيصال المعلومة بلغتهم او بعاميتهم وننسى أو نتناسا لهجتنا حتى لوكنا في الجزائر وكثير من الحوارات في التلفزة أو في الإذاعات العربية نحاول وبصعوبة التكلم بلهجتهم فلماذا هذا التعب كلو أليست لهجتنا مفهومة أو أنا كيما نقولو نحشمو بيها او نهين أنفسنا بغير قصد.


[right]

السلام عليكم ورحمة الله
شكرا جيفارة على الموضوع المهم
اللهجة والغة تعتبر من مقومات الشعب لازم نتمسك بها
انا جزائرية وافتخر اني جزائرية ولهجتي نحبها وجامي نحشم بيها صحيح لهجتنا شويه صعبة ومش مفهومة عند الكثيرين لكن احنا لي زدنا الطين بله كما تطرقت علاه ميتعاملوش هوما معانا بلهجتنا علاه احنا لي ديما نقلدو لهجتهم ونتكلمو بلغتهم صح لازم علينا نفرضو رواحينا ونفرضو لهجتنا عليهم لكن المشكل مش في واحد ولا اثنين المشكل تعدى الحدود
جزائرية وافتخر
ولي معجبوش ينتحر
حنان

لا أخي انا ما نتفقش معاك حنا ما نحشموش بلغتنا ابدا انا لهجتنا تعجبني و نفضل نهدر بيها لكن لازم تحترم الشخص اللي راك تحكي معاه

في المشرق العربي مثلا هناك صعوبة كبيرة يلاقيوها في فهم بعض الكلمات لذلك نضطر للتكلم بلهجتهم لانها
مفهومة اكثر و هذا لان الاعلام لعب دور مهم جدا مثل المسلسلات و الافلام لكن اظن انو لهجتنا بدات تنتشر و بداو الناس يفهموها

كلنا لازم نهدرو بلهجتنا لانو حنا اللي راح نوصلوها للغير

تحياتي ليك خويا و شكرا على الموضوع الرائع